Popular Front of India (PFI)

Popular Front of India (PFI)

पॉप्युलर फ्रंट ऑफ इंडिया हि भारतातील एक अतिरेकी इस्लामिक संघटना आहे. तिची स्थापना 22 नोव्हेंबर 2006 मध्ये नॅशनल डेव्हलपमेंट फ्रंटचा उत्तराधिकारी म्हणून झाली. नॅशनल डेव्हलपमेंट फ्रंट, मनिथा नीथी पसाराय, कर्नाटक फोरम फॉर डिग्निटी या संस्थांच्या एकत्रीकरणातून झाली. ती स्वतःचे वर्णन न्याय, स्वातंत्र्य आणि सुरक्षितता सुनिश्चित करण्यासाठी लोकांना सक्षम करण्यासाठी वचनबद्ध असलेली एक नव-सामाजिक चळवळ म्हणून करते .

केरळ आणि कर्नाटकमध्ये अनेकदा पीएफआयने संघ परिवाराच्या कार्यकर्त्यांवर हिंसक हल्ले केले आहेत. PFI कार्यकर्त्यांकडे प्राणघातक शस्त्रे, बॉम्ब,  गनपावडर, तलवारी पोलिसांना सापडल्या आहेत. PFI वर तालिबान आणि अल-कायदासारख्या दहशतवादी संघटनांशी संबंध असल्याचे अनेक आरोप करण्यात आले आहेत. विविध आरोपांमध्ये विविध इस्लामिक दहशतवादी गटांशी संबंध,शस्त्र बाळगणे, अपहरण, खून, धमकावणे, द्वेष मोहीम, यांचा समावेश आहे. दंगल, लव्ह जिहाद आणि धार्मिक अतिरेकी कृत्ये असे अनेक त्यांच्यावर ताशोरे ओढले आहेत. त्याच्या संस्थापक नेत्यांपैकी एकाने असेही म्हटले आहे की PFI चे ध्येय भारतात इस्लामिक राज्य स्थापन करणे आहे. एकदा एका IB अधिकाऱ्याने म्हटले आहे की, PFI त्यांच्या कार्यकर्त्यांना उपदेश करते की उजव्या विचारसरणीच्या कार्यकर्त्यांची हत्या ही उद्याच्या जीवनात धार्मिक कृत्य म्हणून ओळखले जाईल .

2012 मध्ये, केरळ सरकारने केरळ उच्च न्यायालयाला प्रतिज्ञापत्राद्वारे कळवले की, PFI चा 27 खून प्रकरणांमध्ये सक्रिय सहभाग होता, ज्यात बहुतांश CPI-M आणि RSS चे कार्यकर्ते होते. 6 जुलै 2012 रोजी, एन. सचिन गोपाल, मॉडर्न ITC, कन्नूरचा विद्यार्थी आणि जिल्हा नेता अखिल भारतीय विद्यार्थी परिषदेचा याला PFI च्या सदस्यांनी हल्ला केला होता. ज्यात गोपाल नंतर ६ सप्टेंबर २०१२ रोजी मंगळुरू येथील केएमसी रुग्णालयात त्याच्या जखमांमुळे मरण पावला.

21 मे 2022 रोजी ,केरळमधील अलाप्पुझा येथे PFI ने एकदा आयोजित केलेल्या "रिपब्लिक वाचवा" या रॅलीत, एका PFI सदस्याच्या खांद्यावर बसलेल्या एका मुलाने घोषणा केली, "हिंदूंनी त्यांच्या अंत्यविधीसाठी भात ठेवावा आणि ख्रिश्चनांनी त्यांच्या अंत्यविधीसाठी धूप ठेवावा. जर तुम्ही सभ्यपणे जगाल तर तुम्ही येथे राहू शकता आणि जर तुम्ही सभ्यपणे जगला नाहीत तर आम्हाला आझादी माहित आहे. सभ्यपणे जगा, सभ्यपणे जगा, सभ्यपणे जगा.

2012 मध्ये, केरळ सरकारने उच्च न्यायालयाला सांगितले की पीएफआयच्या कारवाया देशाच्या सुरक्षेसाठी घातक आहे. आणि ती दुसरी काहीही नसून स्टुडंट्स इस्लामिक मूव्हमेंट ऑफ इंडियाचेच (सिमी) दुसरे रूप आहे. केरळ सरकारने त्यांच्या स्वातंत्र्य परेड म्हणून ओळखल्या जाणाऱ्या त्यांच्या कार्यक्रमावर बंदी घातली. कारण त्या कार्यक्रमात ते पोलिसांसारखे गणवेश, चिन्हे अशा गोष्टींचा वापर करत.

एप्रिल 2013 मध्ये केरळ पोलिसांनी उत्तर केरळमधील PFI केंद्रांवर टाकलेल्या छाप्यांमध्ये प्राणघातक शस्त्रे,विदेशी चलन,मानवी गोळीबाराचे लक्ष्य,बॉम्ब,स्फोटक कच्चा माल, गनपावडर, तलवारी,इतर गोष्टी सापडल्या.केरळ पोलिसांनी दावा केला आहे की या छाप्यात PFI चा "दहशतवादी चेहरा" समोर आला. CAA विरोधी आंदोलनांत निधीची जमावाजमव केली होती. 1 जानेवारी 2020 रोजी केंद्रीय कायदा मंत्री श्री.रविशंकर प्रसाद यांनी म्हटले की PFI ने नागरिकत्व (सुधारणा) कायद्याच्या (CAA) विरोधात काही निदर्शनांभोवती हिंसाचारात भाग घेतला असावा. 

भारतात इस्लामिक राज्याची निर्मिती प्रयत्नशील :

2017 मध्ये इंडिया टुडेने एका गुप्त ऑपरेशनमध्ये, PFI चे संस्थापक सदस्य आणि PFI मुखपत्रचे व्यवस्थापकीय संपादक अहमद शरीफ यांची मुलाखत घेतली.या मुलाखतीत भारताला इस्लामिक देशात रुपांतरित करण्याचा आहे का, असा प्रश्न विचारला असता ते म्हणाले संपूर्ण जगभर फक्त भारतच का ?

आता PFI ने दावा केला आहे की त्यांची 22 राज्यांमध्ये युनिट्स आहेत. त्याची वाढ अभूतपूर्व आहे.पीएफआयचे पूर्वीचे मुख्यालय कोझिकोड येथे होते, परंतु त्याचा पाया विस्तारल्यानंतर ते दिल्लीला हलविण्यात आले. पीएफआय संघटनात्मक रचनेमध्ये 'युनिट' सर्वात कमी आहे आणि त्यानंतर 'क्षेत्र' आणि 'विभाग' आहे आणि राज्य स्तरावर, राज्य कार्यकारी परिषद ही सर्वोच्च संस्था आहे. पक्षाने म्हटले आहे की दर तीन वर्षांनी पदाधिकारी निवडण्यासाठी निवडणुका घेतल्या जातात. केरळमध्ये PFI ची एक महिला शाखा, राष्ट्रीय महिला आघाडी, विद्यार्थी शाखा कॅम्पस फ्रंट ऑफ इंडिया आणि एक राजकीय पक्ष सोशल डेमोक्रॅटिक पार्टी ऑफ इंडिया (SDPI) देखील आहे. 

2016 च्या केरळ विधानसभा निवडणुकीत त्यांनी सहभाग ही घेतला होता.NIA ने आज तिच्यावर छापे टाकले आहेत. तिचे देशभरात महत्त्वाचे 200 पेक्षा जास्त नेते ताब्यात घेतले आहेत. महाराष्ट्रातही आज 20 हून अधिक ठिकाणी छापे टाकले आहेत. त्यात महाराष्ट्रातील मालेगावचा सुद्धा संबंध होता.

@ReactingWords